U noj ba’alile’ leti’e’ u ts’a’abal je’elba’axak ojéelalile’ ichil na’tsil t’aano’ob: U Chíikulil Sistema Nacional de Transparencia.
Prioridad facilitar la información pública en lenguas maternas: Sistema Nacional de Transparencia.
Tu kaajil Tekax Yucatán 21 ti’ febrero tu ja’abil 2022.- Ichil u Noj K’imesajil Na’tsil T’aano’ob Yóok’ol kaabe’, U molayi Inaip Yucatán yéetel le Sistema Nacional de Transparencia SNTo’, beyxan u Noj Molayil INAI tu beetajo’ob jump’éel múul meyaj tu k’abataj “Sáaskunaj Meyaj ichil u K’imesajil Na’tsil T’aano’ob yóok’ol kaab”.
Desde tu kaajil Tekax Yucatane’, le ix-Comisionada Presidenta ti’ u molayil Inaip Yucatene’, x-María Gilda Segovia Chab tu ya’alaj ti’ le ix-comisarias yéetel aj-comisarios táakpajo’ob ichil le meyaj úucho’, ka u tsikbalto’ob ti’ u yéet kaajalo’obo’ de que tuláakal le molayilo’obo’ unaj u chíimpoltiko’ob tuláakal u páajtalil máaxo’ob ku t’aniko’ob jump’éel máasewáal t’aan, yéetel unaj u k’amiko’ob yéetel u núukik’ob u k’áatchi’ob tu yo’olal ojéelalil yéetel ti’ le ba’axo’ob yaan u yil yéetel leti’ob, wa ku beeta’al ichil le 68jump’éelel máasewáal t’aano’ob yaan way tu noj lu’umil México.
X-Gilda Segoviae’ tu ya’alaje’ de que u molayil Inaip Yucatane’ ku beetik jejeláasil meyajo’ob uti’al maya kaaj, je’el bix jump’éel nu’ukbesaj radio ku k’abatik U t’aan Sáaskunaj Meyaj, ku Ka’ansa’al ichil maaya t’aan le méek’táankaajo’obo’, beyxan yaan jump’éel núumeroil celular tu’ux ku núuka’al u k’áatchi’ob máaxo’ob ku t’aano’ob ichil maayat’aan yéetel beeta’ab xan u sutt’aanil yéetel graabarta’ab u audio ichil maaya t’aan ti’ U Noj A’almajt’aanil Sáakunta’al yéetel u Ts’a’abal Ojéeltbil u Meyaj Jala’ach yéetel Molayilo’ob, lela’ ti’an ichil u chíikulil internet le molayila’.
Le ka’aj t’aanaj le ix-Comisionada Presidenta ti’ u molayil INAI, x-Blanca Lilia Ibarra Cadenae’, tu ya’alaj de que tu jaajile’ ya’ab talamilo’ob yaan ichil le máasewáal kaajo’obo’ tumen yaan k’iine’ ma’ tu jach k’uchul le tecnologiao’, lebéetike’ tu ya’alaj de que unaj u pa’ajolta’al meyajo’ob utia’al ka ma’alob meyajta’ak yéetel u pa’ajolta’al túumben meyajo’ob uti’al u ka’ansa’al ichil u t’aano’ob yéetel unaj u ts’atáanta’al xan bix u kuxtalo’ob.
Leka’aj jt’aanaj ti’ u k’aaba’ u kúuchilil Sistema Nacional de Transparenciae’ tu k’a’ajsaj de que le artíikulo 13 ti’ u Noj A’almaT’aanil Sáaskunaj Meyaje’, ku ya’alik de que tuláakal le molayilo’obo’ unaj u k’ubiko’ob ojéelalil ma’ talam u na’atali’, yéetel beyxan unaj u beetiko’ob sutt’aanilo’ob ichil máasewáal t’aano’ob, lebeetike’ k’abéet u pa’ajolta’al meyajo’ob utia’al ka ts’a’abal ojéelalil ichil le kaajo’ob tu’ux ku t’a’anal jump’éel máasewáal t’aan.
Le máax ku jo’olintik le Región Sureste ti’ le SNTo’ x-Naldy Patricia Rodríguez Lagunes tu ya’alaje’ de que u 60%toil ti’ le máaxo’ob ku t’aniko’ob jump’éel máasewáal t’aane’ kaja’ano’ob ichil óoxp’éel xéet’ lu’umilo’ob, lebeetike’ ichil le molayilo’ táan u beeta’al jejeláasil meyajo’ob uti’al ka ma’alob kuxlako’ob yéetel ka béeyak u meyajto’ob uláak’ páajtalilo’ob, ka yanakti’ob ojéelalil yéetel u yojéeltiko’ob ba’axo’ob tu beetaj u jalachilo’obo’.
Le ka’aj jt’aanaj u Consejero Jurídico ti’ u Xéet’ Lu’umil Yucatán, Yussif Heredia Fritze’, tu ya’alaj de que le jala’achilo’obo’ unaj u ts’aik ti’ le máasewáal kaajo’obo’ tuláakal le pajtalilti’ob utia’al u jóok’olo’ob táanil yéetel ma’ u péech’ óolta’alo’obo’.
Beyxane’, u jala’achil u méek’tankaajil Tekax Diego Ávila Romeoe’, tu ya’alaj de que k’abéet u beeta’al jump’éel múul meyaj uti’al ka beeta’ak u k’uchul le ojéelalilo’ ti’ tuláakal le máasewáal kaajo’ob uti’al beyo’ ma’ u p’áatal mixmáak paachil.
Ichil le meyaj beeta’abo’ táakpaj xan u comisarioil u kaajil San Marcos ti’ u méek’tankaajil Tekax, leti’e’ t’aanajij ti’ u k’aaba’ tuláakal le comisariobo’ yéetel ti’ u k’aaba’ le máasewáal kaajo’ob, tu ya’alaje’ de que jach k’abéet u kanáanta’al ma’ u sa’atal le maayat’ano’, yéetel tu ya’alaj ma’alob ka beeta’ak le meyajo’oba’ tumen beyo’ ku ts’a’abal k’aj óoltbil yéetel ku chíimpolta’al u páajtalilo’ob máaxo’ob ku t’aniko’ob jump’éel máasewáal t’aan, beyo’ mixmáax kun p’áatal paachij.
Le yáax múul tsikbal úucho’ jts’a’ab u k’aaba’ beya’ Sáaskunaj Meyaj yéetel ts’áaj ojélalil, talamilo’ob yéetel meyajo’ob ichil máasewáal kaajo’ob ichil le meyajila’ xak’alta’ab le talamilo’ob yaan yéetel le meyajo’ob je’el u páajtal u beeta’al uti’al ch’a’aik u muuk’ u páajtalil ojéelalil ichil le máak’tankaajo’obo’, beyxane’, ila’ab tu’ux ts’o’ok u ma’alob meyajta’al le páajtalila’ yéetel bix ku beeta’al uti’al u táakpajal tuláakal máak.
Ichil le múul tsikbala’ táakpajo’ob u ix-alcaldesa ti’ u kaajil Astacinga x-Crescencia Tzompaxtle Itehua, leti’ xan ts’a’an u jo’olpesik u miatsil Náhuatl beyxane’ táakpaj u Jo’olpóopil Centro de Investigación y Difusión Humanística de Yucatán, Fidencio Briceño Chel; yaan u láak’ máaxo’ob táakpajo’obij ba’ale’ desde tu chíikulil internet, leti’ le je’elo’oba’: Desde tu kaajil Peru Lucy Sallo Llihuac, José Jorge Saavedra yéetel máax ku jo’olpesik le Comisión de Derechos Humanos, Equidad de Género e Inclusión Social tu u molayil INAI María Elena Guadarrama Conejo, le tsikbala’ jo’olinta’ab tumen u ix-comisionada INAI Norma Julieta del Río Venegas.
Beyxane’ beeta’ab uláak’ múul tsikbal, tu k’abataj Je’ek’ab Jala’ach yéetel Ma’alob Sáaskunaj Meyaj ichil na’tsil t’aano’ob uti’al u jóok’olo’ob táanil le máasewáal kaajo’obo’, le tsikbala’ jo’olinta’ab tumen u Comisionadoil COTAIPEC Néstor Cervera Cámara.
Ichil le tsikbala’ táakpajo’ob u Comisionadoil INAI Adrián Alcalá Méndez, ix-máasewáal kanáant páajtalil Rosita Martínez Facundo yéetel aj-Ts’áaj péektsilo’ob ti’ u ch’i’ibalil zapoteca Melquiades Cruz (Kiado); uláak’ máako’ob táakpajo’ob ba’ale’ ti’ u chíikulil internete leti’ le je’elo’oba’: u Secretario Ejecutivo ti’ u múuch’ulil Asociación Chilen de Municipalidades Jaime A. Belmar Labbé, u Jo’olpóopil nu’ukbesajo’ob ichil máasewáal kaajo’ob yéetel u kananil u páajtalil u kaajil Perúe’ Nelly Herminia Aedo Rueda yéetel u jo’olpóopil u múuch’il Organización no Gubernamental Oro Negro Marta Victoria Salgado Henríquez.
——–
Prioridad facilitar la información pública en lenguas maternas: Sistema Nacional de Transparencia.
Tekax, Yucatán, 21 de febrero de 2022.- En el marco del Día Internacional de las Lenguas Maternas el Instituto Estatal de Transparencia, Acceso a la Información Pública y Protección de Datos Personales (Inaip Yucatán), en coordinación con la Región Sureste del Sistema Nacional de Transparencia (SNT) y el Instituto Nacional de Transparencia, Acceso a la Información y Protección de Datos Personales (INAI), realizaron el foro Transparencia en el marco Internacional de la Lengua Materna.
Desde la sultana de la sierra, la Comisionada Presidenta del Inaip Yucatán, María Gilda Segovia Chab invitó a las Comisarias y Comisarios municipales asistentes al foro a compartir con sus comunidades el mensaje de que los órganos garantes tienen la obligación de respetar la pluriculturalidad y de recibir sus solicitudes de acceso a la información pública y de datos personales en cualquiera de las 68 lenguas indígenas existentes, así como tramitarlas y darles respuesta en su idioma.
Gilda Segovia dijo que desde el Inaip Yucatán se realizan acciones afirmativas en favor del pueblo maya tales como el programa de radio comunitaria U T’aan Sáaskunaj Meyaj, capacitación y sensibilización en el idioma maya a los municipios, así como las líneas de atención en lengua maya y la traducción en texto y audio de la Ley General de Transparencia disponible en el sitio web del Instituto.
En el acto inaugural, la Comisionada Presidenta del INAI, Blanca Lilia Ibarra Cadena, reconoció que existen brechas en el acceso a las nuevas tecnologías en los pueblos indígenas, por lo que son necesarias estrategias que permitan aprovecharlas e impulsar métodos de enseñanza que se adapten a sus sistemas lingüísticos y de convivencia.
En representación del Sistema Nacional de Transparencia recordó que el artículo 13 de la Ley General de Transparencia prevé que los sujetos obligados deben generar información en un lenguaje sencillo, procurando su traducción a las lenguas indígenas, por lo que se deben impulsar ejercicios proactivos de publicación de información para las comunidades hablantes.
Por su parte, la Coordinadora de la Región Sureste del SNT, Naldy Patricia Rodríguez Lagunes indicó que tres estados de esta región concentran el 60% de la población hablante de lenguas indígenas, por lo que desde la coordinación se trabaja a fin de que el acceso a la información pueda convertirse en un instrumento que permita mejorar sus condiciones de vida y les permita acceder a otros derechos, estar informados y conocer la verdad histórica en hechos de interés público.
Previo a la declaratoria inaugural el Consejero Jurídico del Estado de Yucatán Yussif Heredia Fritz precisó que es necesario que el Estado dote a los pueblos indígenas del marco jurídico necesario para subsanar cualquier circunstancia que acentúe la vulnerabilidad de su condición.
Así mismo, el alcalde de Tekax, Diego Ávila Romero enfatizó en la necesidad de coordinar esfuerzos para mejorar las condiciones de accesibilidad a la información pública a las comunidades indígenas y a crear estrategias de inclusión para cerrar brechas de desigualdad existentes.
En su intervención, y en representación de los pueblos indígenas y las comisarías de Tekax, el Comisario de San Marcos, Victor Tun, mencionó que es importante preservar la lengua maya e impulsar este tipo de eventos para socializar los distintos derechos en los idiomas originarios, que permitan a las personas hablantes poder ejercerlos de manera igualitaria.
El primer panel del foro, Transparencia y acceso a la información, retos y oportunidades con los pueblos originarios y afrodescendientes tuvo como objetivo reconocer las limitaciones, retos y oportunidades para la consolidación del derecho a saber en alcaldías y municipalidades, así como identificar las experiencias exitosas en la aplicación del mismo y fomentar la inclusión social.
Esta mesa contó con la participación presencial de la alcaldesa de Astacinga y representante de la cultura Náhuatl Crescencia Tzompaxtle Itehua y el Director del Centro de Investigación y Difusión Humanística de Yucatán, Fidencio Briceño Chel; de manera virtual estuvieron presentes desde Perú Lucy Sallo Llihuac, José Jorge Saavedra y la Coordinadora de la Comisión de Derechos Humanos, Equidad de Género e Inclusión Social del INAI María Elena Guadarrama Conejo, bajo la moderación de la Comisionada del INAI Norma Julieta del Río Venegas.
También se realizó el panel Gobierno Abierto y Transparencia Proactiva para el desarrollo de los pueblos indígenas en su lengua materna, que estuvo moderado por el Comisionado Presidente del COTAIPEC Néstor Cervera Cámara.
En este conversatorio participaron de manera presencial el Comisionado del INAI Adrián Alcalá Méndez, la impulsora y activista indígena Rosita Martínez Facundo y el comunicador zapoteca Melquiades Cruz (Kiado); de manera remota estuvo el Secretario Ejecutivo de la Asociación Chilen de Municipalidades Jaime A. Belmar Labbé, la Jefa del Programa de Pueblos Indígenas en la Defensoría del Pueblo de Perú Nelly Herminia Aedo Rueda y la Presidenta de la Organización no Gubernamental Oro Negro Marta Victoria Salgado Henríquez.
